ஜீன்ஸ் அணிந்தபடி
மறுநாள் விடியலுக்குக்
கோலமிடுகிறாள்
ஒரு
பதின் வயதுப் பெண்
தெருமுனைக் கடைகளில்
தேநீர் பருகுகிறார்கள்
சிகரெட் இழுக்கும்
இளைஞர்கள்
வீட்டின்
முன் விளக்குகள்
அணைவதை
அசுவாரஸ்யமாய்த்
தலை தூக்கிப் பார்த்து
மீண்டும் தூங்கிவிடுகின்றன
தெருநாய்கள்
குப்பை வண்டியின்
நிழலுக்கருகிருக்கும்
நடைமேடையில்
பார்சல் பிரியாணி
சாப்பிடுகிறார்கள்
துப்புரவு தொழிலாளர்கள்
அதீதமான
அலங்காரங்களுடன்
பெண்பாலரும்
பால் திரிந்தோரும்
நடக்கும் சுரங்கப்பாதையில்
சீறிப்பாய்ந்து நிற்கிறதொரு
நான்கு சக்கர வாகனம்
தூங்கிக் கொண்டிருந்தவளை
உதைத்துத் தள்ளிவிட்டு
துண்டு விரித்துப்
படுக்கிறான்
பிளாட்பார வாசியொருவன்
மீறியெழும்
தூக்கத்தைப்
புறந்தள்ளி
ஒப்பனைகளுடன்
இரவு பணிக்குத்
தயாராகிறார்கள்
சில
ஆண்களும்
பெண்களும்
இன்னுமோர்
இரவுக்குத்
தயாராகிவிட்டிருக்கிறது
மாநகரம்
இரவின் அவதானிப்பு கவிதையெங்கும், நல்லா இருக்கு சேரல்.
ReplyDeleteசென்னையை ஒரு சுற்று சுற்றியது போல் இருந்தது. சுற்றி காட்டியதற்கு நன்றி சேரல் :-)
ReplyDeleteவார்த்தை பயன்பாடு அருமை..!
ReplyDelete@yathra, @பிரேம்குமார், @Vilva
ReplyDeleteநன்றி நண்பர்களே!
தொடர்ந்து வாருங்கள்
-ப்ரியமுடன்
சேரல்
'மா நகரம்'
ReplyDeleteஎன்று படிக்கும் பொழுது இன்னும்
அழகாய் இருந்தது கவிதை
அழகான கவிதை.
ReplyDeleteஇரவின் படிமங்கள்
எழுத்திலும் விழுந்து கிடக்கின்றது.
அருமை.
ரொம்ப நல்லா இருக்கு சேரல்.
ReplyDelete@இலக்குவண், @ஆ.முத்துராமலிங்கம், @மண்குதிரை,
ReplyDeleteநன்றி நண்பர்களே!
-ப்ரியமுடன்
சேரல்
நல்லா இருக்கு சேரல்.
ReplyDeleteஅனுஜன்யா
நன்றி அனுஜன்யா!
ReplyDelete-ப்ரியமுடன்
சேரல்