யார்யாரையோ மெழுகிய காற்று
என்னையும் மெழுகிப் போகிறது
யார்யாரையோ நனைத்த அலை
என்னையும் நனைத்துப் போகிறது
யார்யார் மீதோ படிந்த உப்பு
என் மீதும் கரிக்கிறது
யார் யார் கண்களிலோ விழுந்து
நினைவுக்குள் சிக்குண்ட துளி
எனக்குள்ளும் விழுந்து
தொலைந்து போகிறது
இந்த வரிகளைப்
பாடிக்கொண்டிருப்பவனைப்
பார்க்க நேர்ந்தால் சொல்லுங்கள்
அந்த யாரோவில்
நானும் ஒருவன் என்று
-கடலை நனைப்பவன்
8 comments:
மிகவும் ரசித்தேன் சேரல்.
rasiththeen
ஏதோ ஏற்கனவே படித்த உணர்வு.
அழகான கவிதை.
--வித்யா
உங்கள் கவிதையின் தளம் மெல்ல மாற்றம் அடைந்து வருகிறது
வாழ்த்துக்கள்
உப்புக் காற்றின் பிசுபிசுப்பு படிப்பவனையும் ஒற்றிக்கொள்ளும் வரிகள். அருமை சேரல்
பிரமாதம் சேரல்.. உங்கள் படிந்த வரிகள் எனக்கு விருப்பமானவை!! (மகுடேசுவரன் எங்கள் ஊரைச் சேர்ந்தவர் என்பதைக் கூறி பெருமை கொள்கிறேன்!)
//இந்த வரிகளைப்
பாடிக்கொண்டிருப்பவனைப்
பார்க்க நேர்ந்தால் சொல்லுங்கள்
அந்த யாரோவில்
நானும் ஒருவன் என்று//
ஏன் யாரோ யாரையோ ?....எல்லோரையும் ஒருசேர நனைக்கின்றீர்கள் சேரல். உங்கள் கவிதையால்...!
கருத்துகளுக்கு நன்றி நண்பர்களே!
-ப்ரியமுடன்
சேரல்
Post a Comment